هام جدا جدا جدا لو بتشطب بيتك .
.. البوست في اضافة جديده للي قراه من قبل
اخطاء لازم تجنبها في انشاء حمامك ومطبخك
١/ عدم وضع الغساله بالحمام .. الغساله تتعرض لدخول البخار الناتج من الاستخدام ويتغلغل داخل الغساله بالكامل مما يؤدي اللي تقصير عمر الغساله بنسبه كبيره جدا
٢/ عدم الاستهانه بالخامات داخل الحائط او تحت السرميك ولازم يكون لها اختبارات ودي من اهم الاشياء وكل الشركات بتعمل اختبارات حاليا وبتعطي شهادة ضمان المنتج وده بيضمن صنعة التركيب وجودة منتج وده مهم جدا جدا (ومن وجهة نظري المتوضعه جدا افضل المنتجات وخدمة ما بعد البيع هي شركه باننجر )
٣/ يفضل تركيب الاحواض المعلقه عن الارض من الصعب جدا علي اي حد بينظف المكان ان ينظف تحت الاحواض بشكل كويس
٤/ يفضل ان يكون في حنفيه ارضيه حنفيه عاديه جدا في الحمام لملئ جردل او تركيب خرطوم لتجنب المشاكل مثل كسر خلاط الحوض او كسر البانيو او تجريح البانيو
٥/ يفضل يكون القاعده معلقه ان امكن في الحسابات الماديه
٦/ يفضل يكون البانيو علي شاسيه وليس داخل البلاط ودي مشاكل كتير جدا جدا وهي اغلب مشاكل الترشيح داخل الحمامات بنسبة ٩٠٪
٧/ يفضل التنبيه علي المبلط بسد الفرغات كويس جدا او عرنوس البلاطه
٨/ يرعا مكان السخان لتفادي اعمال الغاز الطبيعي عشان المدخنه لازم تكون قريبه للشباك..
9/ لازم تختار اطقم الحمام قبل التاسيس عشان في اجهزه لازم تاسيس لها ما تحولش السباك يشتغل بدماغه لازم انتا تكون مشترك في اختيار الانسب والاريح ليك ولستخدامك..
10/لازم تعمل صرف تكيف لكل غرفه في التاسيس عشان الايام الجايه حر جدا وكله هيركب تكيفات فا ما تحولش تاذي جارك بالمياه اللي هتنزل من التكيف او تستخدم جردل وازازه والكلام ده.
11/خطر جدا جدا جدا اني تشغل السخان الغاز بدون مدخنه الموضوع ده مهم جدا لازم يركب مدخنه ولازم يكون في تهويه كافيه للحمام .
12/لو هتجيب بانيو علي شاسيه لازم الزاويه اللي هيركب فيها البانيو تكون 90درجه زاوية قائمه عشان البانيو يطبع علي الحائط وما ياخدش سليكون ويسود ويكون شكله مش لطيف.
13/ الجبس ممنوع الجبس ممنوع الجبس ممنوع الجبس خطر جدا الجبس خطر جدا الجبس خطر جدا الجبس اللي في الحوائط مش اللي في السقف
ممنوع استخدام الجبس في الحمام او المطبخ او عموم الشقه في تقفيل الكهرباء او في تقفيل حلق باب الشقه ممنوع الجبس بنقول اهو
وبقصد من كلامي موضوع الجبس لان في ناس فهمته غلط الجبس اللي بيتحط علي تقفيل كانة الباب او خراطيم او يتحط علي مواسير السباكة الكهرباء انا ما بقصدش الجبس اللي في السقف سواء جبس امبورد او جبس بلدي او جبس كرانيش كلامي ملوش علاقة بشغل السقف.
14/ سقف الحمام والمطبخ اغلب الناس بيقول هعمل السقف سراميك دا غلط وغلط جدا كمان وخطر وسيء الشكل دا مطبخ مش مطعم دا حتي المطاعم ما بتعملش كدا يا جماعة البساطه والله كويسه وبعدين لقدر الله بلاطه وقعت هدمر الدنيا طيب ليه ندخل نفسنا في حاجه مش كويسه ومكلفه.
15/ الفرق بين الشاور والبانيو وده سؤال اتكرر كتير جدا من اغلب الناس
اولا ما ينفعش اقارن شاور بالبانيو ده له استخدام وده له استخدام تاني خالص
الشاور بستخدمه فقط وانا واقف وده شاور فقط.
اما استخدام اللبانيو عند المصرين له اغراض عديدة جدا جدا بغض النظر عن الاستخدام الاساسي وهو الستجمام في قلب البانيو ونفس الوقت لاخذ شاور .
بس طبعا احنا لنا كلام تاني كا مصرين خزين مياه غسيل بطاطين غسيل سجاد سكاته للاولاد اللي بتعيط شوية مياه ولعبتين في قلب البانيو وهيسكت فا بلاش مقارنه وكلامي طبعا لطبقه الوسطي الناس التوتو هتزعل مننا وتقول احنا ما بنعملش كدا في البانيو.
16/ في انواع من الخلاطات الشاور منها الخلاط الدفن وخلاط المدفون اللي بيتعمل للشاور والكبائن السكوريت او الزجاج ده له اصول لتركيبه لازم يتعمل بؤج للحمام بالكامل عشان يقدر السباك يركب الخلاط كويس وما يبقاش غاطس زياده عن الازم في الحائط وده بيحتاج تطويله والتطويلة سعرها غالي جداوممكن بديل البؤج شد الخيط وموزون من جميع الاجناب..
17/ الفرق بين القاعده المعلقه والعاديه
في نوعين من القاعده المعلقه في نوع صندوق طرد او سيفون القاعده بيكون داخل الحئط دفن يعني.
وفي قاعده معلقه صندوق الطرد خارج الحائط.
والنوعين من الاقواعد ممتازين جدا وبيتحملو اوزان لحد 300كيلو وده ممتاز جدا بس لقاعده المعلقه لازم يكون له شاسيه داخل الحائط وما ينفعش اني ابدل قاعده معلقه بقاعده عاديه كل استايل وله مقاس وابعاد معينه.
النوع الثالث وهو القاعده العاديه خالص اللي بتكون علي الارض.
18/ لابد يكون في تهويه في الحمام عشان البخار البخار ياجماعه شيء مفزع جدا ربنا يحفظنا ويحفظكم جميع شيء موميت سواء السخان كان كهربه او غاز
عدم التهويه في الحمام سبب اساسي للربو (من ناحيه طبيه) لان الرطوبه بعد 72 ساعه بتطلع عفن، و العفن ده بيسقط منه ابواغ بتعمل ضيق تنفس وربو خصوصا للاطفال .. فلازم تهويه كويسه + شفاط.
19/ لو سخان الكهرباء او الغاز لقيت اي حاجه متغيره في استخدامة مثل الحراره ذيده او تنقيط من جسم السخان او ما بيفصلش برجاء فصل السخان تماما واستدعاء فني مختص للامر لان في خطوره علي حياتك وحيات اسرتك..
20/لو لسه شقتك بتتشطب حاول تعملك خط مياه مستقل عن العماره تماما بعداد منفصل لان الايام القادمه هيكون اسعار المياه عاليه وهيكون في مشكله مع جارك فحاول تتجنبها وخليك مستقل. بعداد وخط منفصل.
21/ لو انتا في اول دور اول بلكونه واول مخرج صرف عمومي من العماره عندك بلاش توصل عليه بلاش توصل عليه هيكون خطر جدا لان ممكن في اي وقت تلاقي الشقه بحر صرف مجاري فلازم تفصل نفسك تماما تماما عن العماره وتعمل خط مستقل لذاتك لان لو حصل سدد في نهاية الخط اول مخرج لصرف بتاع العماره هيكون عندك..
22/شباك الحمام ممكن توفر الحلق الخشب بتاعه هو وشباك المطبخ ويتعمل سراميك هيكون انضف واحسن وشكله من الخارج هيكون افضل وعمره ما هيعشش حشرات
23/المطر .
المطر الايام دي والشتاء صعب جدا بتوصل لدرجة السيول وطبعا شوفنا التجمع غرق بشكل مفاجاء فلازم نعمل احتياطيتنا اننا نعمل حساب الامطار للجراجات او البدرومات او الاسطح ولازم يكون اللي هيركب يستوعب كمية المياه يعني ما ينفعش اركب بيبه زي بتاع الحمام للمطر ما ينفعش في جرجوري مطر مخصص لذالك وفي مجري باحجام مختلفه وما ينفعش المخارج تكون اقل من 3بوصه اطلاقا.
24/السخان الكهرباء السخان له قطعه اسمها شيك بلف او صمام عدم رجوع لما بنعمل صيانه لسخان او لقدر الله والوصله المرنه بتاع السخان ضربت ومفتاح الكرباء تحت السخان هيشكل خطوره جمده جدا فا برجاء ابعاد المفتاح من منطقة السخان او رفع مستوي المفتاح من تحت مخرج المياه وعمل المفتاح في اي مكان اخر
،،المطبخ ،،
١/ يراعي توزيع المطبخ بشكل مناسب وتبدء الاجهزه من علي الاطراف والبوتاجاز بالمنتصف وحوض المطبخ
٢/ وهااااااااام جدا جدا لاني الخطاء دي منتشره جدا جدا وتتسبب في اهدار مكان داخل المطبخ وهي فتحت الباب .الطبيعي بنكون فتحت باب المطبخ بتكون علي الجانب من المطبخ وده خطاء كبير سواء بلمساحات الكبيره او الصغيره وده بيئدي الي اهدار في المساحه ، ويفضل ان يكون باب المطبخ في المنتصف من الجانب الخاص بدخول المطبخ
3/ لازم تحدد الخلاط اللي حضرتك محتاجه في مرحلة التاسيس في نوعين من الخلاطات
الول خلاط شجره وبيبقي علي الرخامه او علي الحوض.
وفي خلاط سدر وده بيكون في الحائط اعلي حوض المطبخ الشكل القديم بتاع زمان وده بيكون عملي جدا لاي موديل من الخلاطات غير الخلاط الشجره لان خلاط الشجره لو ما بقاش موديل كويس وخامه كويسه بيكون في مشاكل كتير.
4/ لازم تعمل حساب فلتر لو فلتر 3مراحل هيبقي حسابه فوق الرخامه لو اكثر من 3مراحل يبقي لازم يتعمل حسابه تحت الرخامه عشان بيكون حجمه كبير مايخدش مساحه فوق الرخامه..
5/لازم حلة المطبخ اللي بتسقط في الرخامه يكون الحرف بتاع الحله او الشفه بتاع الحله تبات او يتحفر له نص سم وتبات بسليكون عشان الحرف ما يبقاش اعلي من الرخامه ينزل مياه تحت الحوض او يضايق اللي هيستخدم الحوض وياريت يتعمل حاجه اسمها محبس علي الرخامه وهي قطعة رخام بتركب في حرف الرخامه لعدم نزول ماء من الحوض او من الرخامه علي الارض.
6/بلاعة المطبخ (الشبح) اللي مدوخة الناس نعملها لا مانعملهاش نعملها لا ما نعملهاش اولا بلاعة المطبخ دي حسب استخدام اي ست بيت وانا اتكلمت وهتكلم تاني في بوست منفصل عنها وعن تركبها.
المهم.
في ست بيت بتحب تعيش في المطبخ زي البط المياه حوليها من كل الجوانب وغسيل بخرطوم مياه والشغل ده دي مش هتكون محتاجه بلاعه في المطبخ دي محتاجه صرف زي بتاع البتزينه.
وفي ست بيت ما ترتحش لو نقطة مياه نزلة علي الارض.
فا انا من وجهة نظري دي امكانية اضافيه لحضرتك انتي انتي اللي محتاجها حضرتك اللي تخدي القرار فيها مش السباك..
البلاعه لازم تركب صح الصنيعي اللي يقول لحضرتك ان البلاعه هطلع ريحه وحشرات يبقي صنيعي جاهل بصنعته..
هي البلاعه هتركب فين ؟
في المطبخ. طيب ما المطبخ ده داخل الشقه
طيب ما انا هركب بلاعه في الحمام .
طيب الحمام فين ؟الحمام داخل الشقه .
طيب يا صنيعي لو بلاعة المطبخ هتجيب حشرات وريحه يبقي بلاعة الحمام هتجيب حشرات وريحه هو الحمام ده خارج الشقه مثلا ولا هو عند الجيران هي هي المشكله..
يبقي نرجع ونقول في اصول لتركيب بلاعة المطبخ .
اولا لازم يركب علي البلاعة صرف زي صرف حوض المطبخ وصرف الغساله وصرف غسالة اطباق.
ليه ؟ عشان صرف هيجدد المياه في البلاعه لان البلاعه فيه شوية مياه لازم يتوجدو فيها عشن هما داول اللي بيمنعو الريحه اسمهم حاجز مائي لو متعملش الصرف مش هيتجدد المياه في البلاعه اذن المياه هتعمل عفونه وهطلع ريحه..
ثانيا /لازم يكون البلاعات مفصوله عن خط الصرف باتع التوليت عشان ما يعملش ريحه وده بيتفصل بحاجه اسمها جلتراب او سيفون ريحه وده بيكون حاجز مائي وبيامن الخط من روائح كريهه بسبب خط التوليت.
7/عشان خطري وخاطر نفسك بالله عليكم ابوس ايديكم بلاش رمي زيوت ودهون وبواقي طعام في صرف حوض المطبخ لانه بيعمل سدد بشكل سريع جدا جدا وبيكون صعب تسليكه وبيطلع روئح كريهه جدا.
8/ بخصوص حوض المطبخ حوض المطبخ ده حيات ست البيت لو مكنش راكب صح هتتعب ولو ست البيت تعبت يبقي ياباشا هتنام علي السلم في الهواء الطلق فا ياريت لما تشتري حوض او حللة المطبخ لازم يكون لها شفه او الحرف بتعها ما يبقاش فوق الرخامه لازم بتاع الرخام يعمل تفريز او تفريغ نص سم عشان وش الحلة تكون بوش الرخامه عشان ما يكونش في صعوبه في نزول الماء اللي علي الرخامه او يعمل تسريب بين الحله والرخامه..