سندوتشات
بنشتريها ب٥ج ومبتبقاش بالطعامه دي تنفع عشا فطار وسندوتشات للاولاد في المدرسه
النص كيلو دقيق عملي ٨قطع يعني ب٤٠ج لو شريتها
المقادير
نص كيلو دقيق يعني مقدار ٣ونص كوب
معلقه كبيره خميره
معلقه كبيره لبن بودره
معلقتين كبار سكر
معلقه صغيره بيكنج بودر
معلقه ونص كبيره زبده لينه
بيضه
وكوب وربع لبن دافي للعجن وممكن يزيد أو يقل حسب نوع الدقيق
للحشو(جبنه. لانشون. شيكولاته )
وحبه لبن صغيرين لدهن الوش
الطريقه
بنخلط الدقيق عليه الخميره والسكر ورشه الملح واللبن البودره وبحط البيضه ع نص كوب اللبن اقلبها كويس واضيفها ع الدقيق واعجن وفي نص العجن بضيف الزبده وبكمل عجن لحد ما العجين يبقي لين وناعم بسيبه يختمر وأول ما يضاغف حجمه بقطعه ٨قطع وبفرد كل قطعه بالنشابه وبحط الحشوه واقفلها من ع الجنبين ولفتها رول وبحطها في صنيه مدهونه زيت يختمر تاني وأول ما يعلي عن ما كنتي عاملاه بدهن الوش بحبه لبن صغيرين و بتسوي في فرن سخن على ٢٠٠ وأول ما تدخل في السوا والقعر ياخد لون نشغل الشوايه تاخد لون من الوش وألف هنا وصحة