إيه عن الفرق بين البلسم وبديل الزيت وحمامه ؟
اتكلمنا قبل كده عن مكيفات الشعر وأهميتها في تسهيل تتصفيفه وتطريته والسبب إن المكيفات طبيعتها موجبة أو كاتيونية بينما الشعر مشحون بشحنات سالبة وبالتالي بيحصل تجاذب بين الإتنين ونشوف التأثير الجميل بتاع التكييف .
طيب السوق مزحوم بمنتجات ومسميات مربكة زي البلسم و حمام الزيت وحمام الكريم وبديل الزيت ، هو إيه الفرق طيب ؟
ده الي هنعرفه في أمسية الخميس اللميس
*****************
إحنا ممكن نقسم المكيفات دي ل فئتين
1- Rinse Off
يعني بعد ما تتحط على الشعر تتشطف بالغسل وتتشال
2- Leave In
يعني بتتساب على الشعر متتغسلش زي الكريم
***********
1- Rinse off
ودي هنجزأها لنوعين
1- البلسم conditioner
- بيتحط فيه عناصر مكيفة كاتيونية بنسبة تتراوح بين 3 : 10% حسب نوع الشعر
- نسبة المياة في البلسم بتوصل ل 80% والباقي بيكون خليط ما بين زيوت وزبد و سيليكون ومواد دايبة في المياة زي البانثينول
- طبعآ عارفين إن البلسم بيتساب على الشعر دقيقة أو أكثر عشان يدي التأثير المطلوب ده غير إنه ينفع للاستخدام اليومي
###########
2- حمام الزيت / الكريم أو الماسك
- ده بيتسمى علاج مكثف للشعر التالف
Deep / Intense treatment
- مينفعش يستخدم بشكل يومي
- المواد المكيفة فيه تتراوح بين 5 : 10 % حسب درجة المعالجة المطلوبة وبيتم فيها وضع أنواع قوية التكييف زي ال BTMS-50
- نسبة المياة أقل من البلسم ممكن توصل ل 67 %
- قوامة أتقل من البلسم وبيتعبى في برطمانات
- نسب زيوت وزبد مرتفعة لو قارناه بالبلسم
- يتساب على الشعر لدقايق وبعض الماركات تنصح بلف الشعر بفوطة وبعدين يتغسل
***********
2- Leave in
بديل الزيت
- مناسب ككريم تصفيف ويستخدم بشكل يومي
- نسب العناصر المكيفة فيه تتراوح بين 1:5% وغالبآ بنستخدم مكيفات أخف من ال BTMS-50 زي الستريمونيوم كلوريد
- قوامه خفيف وبيساعد على التصفيف
