ازاي نختار الفلتر
موضوعنا اليوم بعد ما اشترينا الحوض والفرش
ازاي نختار الفلتر سواء ما انا محتاج بالضبط
كميا الميه انهارده مختلفه عن زمان وعن تربيه زمان
انهارده بقي في استغلال في الاسعار عالميا ازاي نوجه السوق للصح عشان محدش يشتري حاجه وتطلع مش هي اللي كنت محتاجها
موضعنا ازاي اختار الفلاتر للحوض والحوض محتاج ايه
تعالوا معانا نقول اول قاعده ل اختيار الفلتر
مبدائيا سعه الحوض بتاعك كام ليتر
عشان تعرف
تضرب الطول في العرض في الارتفاع وتقسمه علي ١٠٠٠
هايطلعلك حوضك كام ليتر
الحوض انت دلوقتي عارف كام ليتر
ايه وجه الاستفاده من معرفه الحوض كام ليتر
هاتعرف انت محتاج سعه فلتر كام ليتر في الساعه
محتاج الحوض يتفلتر كام مره في الساعه
الحمل البيولجي عندك ايه
بمعني انت هاتربيي ايه ومحتاج فلتر شديد ولا ضعيف ولا ايه كل ده انت لازم تعرفه
مبدائيا افضل فلتر علي الاطلاق
بصرف النظر عن الماركات
١ فلتر الخارجي
وهو عندنا انواع اكسترنال فلتر وماتن فلتر والسامب او توب او هانج او معلق المهم انه خارج الميه بس تراعي انت مربي ايه ومحتاج ايه
وتختاره علي اساس سعه الحوض تضرب في خمسه
بمعني انا الحوض ١٠٠ ليتر يبقي انا عاوز فلتر مش اقل من ٥٠٠ ليتر في الساعه وانت طالع لو جبته ١٠٠٠ ليتر في الساعه يبقي تمام لو اكتر يبقي افضل برحتك وحسب مقدرتك الماليه
مع مراعات السامب علي ارتفاع كام محتاج هد ترفع كام متر
٢ الفلتر الداخلي
وده هايبقي اساسي في اي حوض اللي هو
الفلتر الاسفنج بكل اشكاله اختار الحجم اللي حابب تتفرج عليه وتشوفه جوه الحوض سواء مدور او ركن او L او u
الفلتر الاسفنج مع اي حوض لازم يبقي موجود
وندخل علي الفلتر الداخلي البور اللي هو كوب و٢كوب وانت طالع
ده بقي نختاره حسب انت مربي مثلا سمك كبير ومخلفاته كتير
يبقي هاتختاره حسب سعه الحوض
لو الحوض ١٠٠ ليتر هاتضرب في ١٠
بمعني انك محتاج فلتر مش اقل من ١٠٠٠ ليتر في الساعه
وكل ما يبقي اكبر يبقي افضل بشرط تاقلمه مع السمك ومكونات الحوض وتركب اسبراي بار عليه عشان ميتعبش السمك من قوته
٣ فلتر ال uv
وده بقي اساسي مع التكنولوجيا والبكتريا والفيروسات والفطريات والطحالب اللي بتطلع في الحوض
ده بيخلص من الاخر مش هاتلاقي امراض تطلع ولا طحالب
وبتختارها عادي كل الموجود مناسب لاي حوض اختار بقي حسب الفلتر اللي عندك داخلي او خارجي
٤ فلتر k1 اللي لسه نازل السوق حديثا للاحواض
وده بيعمل علي تكسير الامونيا ويخليلك الميه اعلي حاجه من الشفافيه وكل اللي جربه فعلا شهد بيه شهاده حق وقال فلتر من الاخر
٥ مكنسه او الشفاط
وده بقي اساسي لكل حوض عشان لازم تعمل عمليه تغير دوري للميه عاي الاقل من١٠ل٢٥% كل اسبوع بميه من فلتر او مركونه واستخدم سيف او بريم وبكتريا نافع
٦ سفنجه او مغناطيس او مقشطه
وده بقي اساسي في التنظيف كل اسبوع وده هايغنيك عن تراكم الاوساخ وعمل فطريات لازم تنضف اسبوعيا وتغير ١٠ ل٢٥% من الميه عشان الحمل ميزيدش في الميه
كل ده كده احنا وصلنا لاعلي جوده للميه لو عملنا كده واختارنا الاساسيات صح
