دراسه جدوىلمشروع نعام مكون من خمس اسر
اول حاجه لازم يكون عندنا مكان تربه رمليه والاماكن الصحراويه كتير والمتر ببلاش
هنقسم ملاعب كل ملعب ميقلش عن ٢٥٠ متر وهنعمل مظله ١٠ % مزارع كتير مبتعملش مظله بيعتمدوا على مناعه النعام القويه بس احنا هنعملها لتحمى الطيور من الحر اوى او المطر
هنبدء نشترى اسر نعام منتجه من عمر ٣ سنين ل ٤ سنين
الاسره بتكون مكونه من ذكر وانثتين والذكر لازم يكون اكبر من الانثى من ٨ شهور لسنه
نعرف اعمارهم ازاى اولا تاخد حد خبره معاك ودى بنعرفها من اول طله بخبرتنا ولو حد محتاجنى انا تحت امر حد مجانا لوجه الله عمرى ما اخدت جنيه من حد فمعلومه او حاجه محتاجها عشان يبدء ياكل عيش بالحلال ويا ريت اى حد علمناه يعمل كده
العلامات الاوليه للى معندوش خبره اوى
١ / نسبه اللون الاحمر فى منقار ورجل الذكر
٢/ هنجرى الدكر ادامنا لما هيجرى هيقف ويعمل حمام
فهنشوف حجم العضو الذكرى من حجمه بنعرف لو كان بلغ ولا لسه
٣/ هنشوف فتحه المجمع فالاناث بنعرف منها الانثى ايلى انتجت وايلى لسه
٤/ منختارش حاجه فيها مشاكل فالرجلين او فتحت الحوض او متقزمه لانتاج قطيع صحى سليم
متوسط سعر الاسره ٦٥ الف فى خمس اسر
٣٢٥ الف
الاسره بتاكل ب ١٥ الف فى السنه
وهنحسب ٥٠ الف نثريات ايجار المزرعه والعامل
كده التكلفه هتكون ٤٥٠ الف
٣٢٥ سعر النعام + ٧٥ سعر العلف + ٥٠ ايجار
الانتاج
متوسط انتاج الاسره الواحده ٨٠ بيضه فالموسم
هيخرج منهم ٢٠ بيضه غير مخصبه تقريبا
كده ٦٠ كتكوت خرج لكل اسره
هنبدء نحضن الكتاكيت فالمزرعه لعمر ٣ شهور ونص
فالفتره دى هيكون فى نافق فالكتاكيت هنقول عشره
كده عندنا خمسين كتكوت من كل اسره عمر ٣ شهور ونص
سعر الكتكوت حاليا انهرده ٤٠٠٠ الموسم الجاى هيكون زاد طبعا
٤٠٠٠ سعر الكتكوت × ٢٥٠ كتكوت من الخمس اسر
الناتج مليون جنيه
نخصم منهم التكلفه سعر النعام والايجارات والعلف
٤٥٠ الف
صافى الربح ٥٥٠ الف
ملحوظه
احنا كده كسبنا والحمد لله وكسبنا كمان الاسر بقت ببلاش
فالموسم الجديد ايلى بعده
هذا العمل لوجه الله تعالى
